محتاجة ارائكم بخصوص زراعة ارض

[بشرى]

السلام عليكم ورحمة الله وبركاته
كنت عايزة استشيركم في موضوع استصلاح ارض
طبعا انا وزوجي مش بنفهم في الزراعة خالص ولا عارفين ممكن الارض تكلفنا كام
فانا حشرحلكم الموضوع وتدوني رأيكم
حمايا عنده ارض في القرية بتاعتهم ( وضع يد) علما بان كل الاراضي الي في قريتهم وضع يد يعني معروفة بتاعت فلان وخلاص
الارض دي قريبة جدا من النيل وقريبة جدا من الجبل يعني محدودة بين النيل والجبل وسطحها الظاهر رملي هما بيقولوا انه احتمال تبقى على عمق بسيط طمية
الري بالمكنة الزراعية لأنهم مستصلحين قطعة بسيطة جدا بس زارعينها عشوائي من غير تسميد ولا كيماويات ولا اهتما ولا حاجة
يعني حاجة كده وخلاص
المشكلة انهم زارعينها من سنتين ليمون ولسه مطرحش

المهم
هل نفكر نزرعها ونستثمر فلوسنا فيها علما بان زوجي مش مقتنع نهائي
وحتكلف اد ايه لغاية ما تبقى مزرعة كويسة
وفي البداية هل نطلب تمليكها من الدولة ونعمل لها ورق
وده برضه حيكلف كام
جزاكم الله خيرا

مواضيع مشابهة:

• محتاجة كتاب
• زراعه سطح المبني! ارائكم واقتراحتكم..
• زراعتى للجاردينيا فى بيتى اول مرة ارجو منكم وضع ارائكم
• محتاجة مساعده ...........
• تصميم جديد ارجو ابداء ارائكم فيه

[Habayeb]

الأخت العزيزة أتمنى لكم التوفيق ..

الكل رح يقدمولك النصيحة إنشاء الله ...
بإعتقادي دز ياسر التلمساني خبير بمثل هذة الأمور و على دراية كبيرة بخفاياها .. حولي إنك تتواصلي معاه لعل و عسى ..

السلام عليكم ورحمة الله وبركاته
كنت عايزة استشيركم في موضوع استصلاح ارض
طبعا انا وزوجي مش بنفهم في الزراعة خالص ولا عارفين ممكن الارض تكلفنا كام
فانا حشرحلكم الموضوع وتدوني رأيكم
حمايا عنده ارض في القرية بتاعتهم ( وضع يد) علما بان كل الاراضي الي في قريتهم وضع يد يعني معروفة بتاعت فلان وخلاص
الارض دي قريبة جدا من النيل وقريبة جدا من الجبل يعني محدودة بين النيل والجبل وسطحها الظاهر رملي هما بيقولوا انه احتمال تبقى على عمق بسيط طمية
الري بالمكنة الزراعية لأنهم مستصلحين قطعة بسيطة جدا بس زارعينها عشوائي من غير تسميد ولا كيماويات ولا اهتما ولا حاجة
يعني حاجة كده وخلاص
المشكلة انهم زارعينها من سنتين ليمون ولسه مطرحش

المهم
هل نفكر نزرعها ونستثمر فلوسنا فيها علما بان زوجي مش مقتنع نهائي
وحتكلف اد ايه لغاية ما تبقى مزرعة كويسة
وفي البداية هل نطلب تمليكها من الدولة ونعمل لها ورق
وده برضه حيكلف كام
جزاكم الله خيرا

[د/ابراهيم]

اختنا الفاضلة
بداية ياست الكل لو امكن ان تتملكى هذه الارض من الدولة يكون افضل طبعا ..اما جزئية التكلفة المادية لتملك الارض فاعتتقد ان حضرتك تستطيعى معرفتها بسهولة عند السؤال عن هذه الارض فى الجهة الحكومية التابعة لها.
هذه نقطة.. النقطة الثانية ان الارض تبدو من وصف حضرتك ارض يمكن زراعتهاوتعطى لك عائد . وبهذا يكون المشروع بهذا الشكل اقتصادى (اى ناجح)
وربنا معاك لكى تتملكى هذه الارض او تقنيين وضعها .. بحيث تكونى مطمئنة على اموالك
اما اى استفسار عن الزراعة او المحاصيل او التسميد ..تحت امرك فى هذه الامور
وتقبلى تحياتى

[محمد رشيد سليم]

شي اكيد راح يكلف لكن انتي بحاجه الى شرح وافي ويمكن في خبراء في المنتدى راح يساهمو في الافاده

[أشرف الشفقى]

بما أن زوجك غير مقتنع، والأرض أرض والده فى النهاية، فأقترح أن لا تجازفى بإنفاق أموالك فى هذه الأرض خاصة وأن:
1- الأرض غير مملكة، أى أنه لا قدر الله فى أى وقت يمكن أن تضيع فى المستقبل، وحينها تذهب كل استثماراتكم هباء، ناهيك عن القلق المستمر الذى يمكن أن تعيشوا فيه.
2- ليس عندكم خبرة، والخبرة مطلوبة لكى لا تضيع الأموال، الخبرة فى التسويق والاقتصاد فى الموارد وتفاصيل الزراعة أيضاً.

أما بالنسبة للزراعة التى تطلقين عليها عشوائية، فلما لا نقول أنها زراعة طبيعية بالفطرة لا تعتمد على الكيماويات والأشياء المستحدثة التى تؤذى صحتنا؟ أقترح عليكم أن تقومون بزراعة بعض النباتات بشكل طبيعى ما بين أشجار الليمون وأن لا تقوموا بإضافة أى أسمدة كيماوية ويمكن استخدام الطرق الطبيعية فى الزراعة بدلاً منها. (كزراعة الفول أو البرسيم لتسميد الأرض بشكل طبيعى مثلاً).

أما أن تجازفى بأموالك بدون خبرة ولا عقد تمليك نهائى، فأرى أن رأى زوجك فى أرض أبيه هو الصواب. والله أعلم.

[بشرى]

جزاكم الله خيرا جميعا على الردود
شكرا دكتور ابراهيم وان شاء الله احاول اسأل
بس المشكلة ان قرية زوجي كلههههههههههههههههها بيوت واراضي من غير عقود ولا اوراق ولا تمليك
كل عائلة من سنين معروف لها اراضي وخلاص
استاذ اشرف انت قلقتني بكلامك
بس انا ان شاء الله اول خطوة حبدأ بيها التمليك باذن الله